008 點解個Blog叫「貓姑娘的日常」？

Q: 點解呢個Blog個名叫「貓姑娘的日常」？

A: 播道會稱呼女傳道為「姑娘」，而我好鍾意貓，又想分享日常生活，於是「貓姑娘的日常」便誕生了。

Q:咁妳有無養貓？

A:無，得個「恨」字，因為屋企人唔想養。細細個好想養貓，但大個咗發現養寵物要負好大責任，要照顧牠生老病死，想去旅行都似乎好難行開或者唔捨得行開。

Q:見妳張教會匙卡係Hello Kitty，妳同馮牧師一樣鍾意Hello Kitty?

A: 因為Hello Kitty係貓（其實係倫敦少女喎....總之我覺得佢係貓就係貓，哈哈哈），所以都鍾意Hello Kitty。

Q:咁妳有無去貓cafe？

A:有去過，但我更常去屋企附近間藥房搵阿財同阿寶，佢哋係同一胎生的親兄弟。

     阿財阿寶懶洋洋地睡覺。覺得上帝在提醒我：Be still, and know that I am God. 你們要停下來，要知道我是神。（詩46:10）

Q:邊隻係阿財、邊隻係阿寶呀？

A:下回分解....