024 講道後記：聖靈降臨主日

我哋睇使徒行傳第2章的時候，唔少時候焦點放咗落方言度，或者放咗落佢地被人誤會飲醉酒，然後彼得開聲澄清依家係上午9點，佢哋唔係飲醉咗，接住講咗一篇講道。但大家有無諗過，比起被人誤會飲醉酒，更弊更遭糕既係乜野呢？可能係聖靈無降臨在自己身上。試諗下，如果你係當日其中一個門徒。按使徒行傳1章15節，約有120人，若聖靈只降在其他門徒身上，而你自己無份，咁會係咩情況呢？到底自己係咪根本未信/唔信主呢？

又或者，如果無遵主吩咐留响耶路撒冷等候聖靈，門徒根本唔會經歷到五旬節聖靈降臨所帶來的生命轉變。當上帝吩咐門徒留在耶路撒冷等候聖靈降臨，他們就遵命等候；當上帝吩咐佢哋四散各處傳揚福音，他們就遵命前行。我哋呢？當上帝叫我哋等，我們有無等呢？當上帝叫我哋行，我哋又有無行呢？

其實只需要認定上帝，跟隨聖靈的引導就足夠了。祂愛我們，祂差聖靈引導我們認識和傳講福音真理，其他一切，包括傳遞方式、地點、語言等等都可能會隨時改變。