038 講道反思-打發時間（徒十七16-34）

以下一些雜亂的講道反思，並沒有在剛過去9號的講道中使用。同大家分享吓：

面對呢位時間的主、面對耶穌和福音，你有咩回應呢？可能你會話：我哋唔會譏笑既，我哋都信死人復活，已經信了主；但如果我們依舊唔理真理聖靈所光照的生命黑暗，難聽D講咪即係打發聖靈走然後繼續過自己的日子，咁同那些有興趣想聽多D但仲未以耶穌為生命的主既人有咩分別呢？如果「聽道而不行道」，唔付代價、無追求，咁我哋同那些打發時間先聽道的雅典人有咩分別呢？

我哋對信仰的態度和追求，似雅典人定保羅呢？崇拜係咪起到身先返既呢？準時真係咁難？查考聖經、上主日學係咪得閒先做既呢？有幾多人得閒既時候會睇聖經呢？事奉同傳福音係咪等退休時間多D先參與既呢？你確定到時仲有健康同精力服侍嗎？

年輕時有時我們以為仲有好多時間，年老體弱多病痛時又覺得活著已經無咩意思，又或者因著其他既原因，我們會唔會唔知唔覺選擇以「打發時間」的心態過日子呢？

求主光照我們。